Медициналык колледждин студенттери Ташкент шаарына барып келишти

Б. Сыдыков атындагы Кыргыз-Өзбек Эл аралык университетинин медициналык колледжинин фармация адистигинин студенттери 2024-жылдын 15-декабрынан 20-декабрына чейин Өзбекстан Республикасынын Ташкент шаарында болушту.

Студенттерди химия, биология жана фармация бирикмесинин окутуучулары Ниязалиева Зейнеп Курманбековна менен Аширова Гулзада Шабданбековна жетектеп барды. Алар, Б.Сыдыков атындагы Кыргыз-Өзбек Эл аралык университети менен Өзбекстан Республикасынын Ташкент шаарындагы «Дентафил Плюс» фармацевтикалык завод ортосунда түзүлгөн эки тараптуу келишимдин негизинде окуу-өндүрүштүк практикаларды уюштуруу максатында академиялык момилдүүлүк боюнча аталган заводдун бардык цехтери менен жакындан таанышып, жеткиликтүү маалыматтарды алып келишти.