Англис тили боюнча адис Eric Rosales Б.Сыдыков атындагы КӨЭАУнун ректору, профессор А.А.Мамасыдыковдун жана университеттин эл аралык байланыштар жана стратегиялык өнүгүү боюнча проректору, профессор А.Т.Балтабаеванын кабыл алуусунда болду.

Жолугушуунун жүрүшүндө Eric мырза иш планы тууралуу айтып, тарых-филология факультетинин англис филологиясы кафедрасы менен билим берүү тармагында биргеликте иш алып барууга кызыктар экенине токтолду. Ошондой эле окуу жайдын жетекчилигине Кыргыз Республикасындагы АКШ элчилиги менен кызматташып жаткандыгы үчүн ыраазычылык билдирип, белектерди тапшырды.

Ректор Абдилбает Мамасыдыков Eric мырзага университет тарабынан ар тараптуу колдоолор болорун белгилеп, кызматташууга макул экенин билдирди.

Англис тили боюнча адис 2024-2025-окуу жылында тарых-филология факультетинин англис филологиясы кафедрасынын профессордук-окутуучулук курамына окутуунун усулу боюнча тренингдерди, академиялык жазууну жакшыртууга байланышкан семинарларды, дүйнөлүк стандарттын талаптарына жооп берген илимий макалаларды жазуу боюнча мастер-класстарды өтүү менен маданий иш чараларды уюштурууда көмөктөшөт.