Бүгүн, 28-февраль күнү Б.Сыдыков атындагы Кыргыз-Өзбек Эл аралык университетинде Стартап программасынын алкагында “Онлайн бизнес механизмдери” аталышында семинар-тренинг өткөрүлдү. Аталган семинар-тренингде жаш ишкер Сахибжан Акматов бизнес технологияларын Маркетплейстерде “Wildberries/Ozon) регистрациядан баштап, соода кылып, пайдага чыгуу механизмдери боюнча кенен маалыматтарды берди. Иш чарага Кыргыз-Өзбек Эл аралык университетинин жетекчилери, студенттер, мектеп окуучулары жана жаш ишкерлер катышты. Бул саамалыкты уюштуруу ишин КӨЭАУнун Бизнес инкубатор бөлүмү, тарых-филология факультетинин жамааты колго алган.
Wildberries- бул онлайн платформа, сатуучу менен сатып алуучунун ортосундагы ортомчу. Сатуучунун товарын сатып бергени үчүн өзүнүн комиссиясын кармап калат. Аталган аянтчада аялдардын, эркектердин, жаш балдардын кийимдерин, зер буюмдарын, унага керектелүүчү буюмдарды , спорттук шаймандарды, китеп, үй буюмдарын жана башка керектелүүчү буюмдарды сатууга чыгара аласыз.
2021-жылдын апрель айында КРнын электрондук ассоциациясы КМШдагы эң ири онлайн-аянтчасы болгон Wildberries сайты менен кызматташуу тууралуу Меморандумга кол койгон. Учурда кыргызстандык ишкерлер мыйзамдуу түрдө өздөрүнүн товарларын бул аянтчада сатуу ишмердигин жүргүзүп келишет.
![](https://international.kumu.kg/wp-content/uploads/2023/03/334163316_885637119330604_6764052151936084225_n-300x200.jpg)
![](https://international.kumu.kg/wp-content/uploads/2023/03/334257630_734309368098430_6466125523608948288_n-300x200.jpg)
![](https://international.kumu.kg/wp-content/uploads/2023/03/334129059_160858913045157_7373445410154682934_n-300x200.jpg)
![](https://international.kumu.kg/wp-content/uploads/2023/03/334179577_754862039539931_1723588506952271536_n-300x200.jpg)